Li ser zimanê zikmakî broşurek nû derket

Li Swêdê, bi navê “Du ziman yan jî pirtir?” broşurek derket.
Broşur ji tawsîyeyên ji bo malbatên pirzimanî pêk tê. Ji aliyê Zanîngeha Stokholmê, Enstîtuya Duzimanî û Dayreya Giştî ya Pêşvebirina Dibistanan ve hatîye amedekirin.

Tawsîyeyên ku di vê broşurê de hatine nivîsîn, li ser zanyarîyên aktuel yên di derbareyê pêşveçûna zarokan ya duzimanî, li ser bingeha lêkolînên ku di vî warî de hatine kirin, li ser pêşnîyar û fikrên dêûbavan, pedagogên pêşdibistan û dibistanê û lêkolînvanên ji enstîtûyên din hatine avakirin.

Ev tawsîye, bi giştî ne û li rewşa gelekan tên. Lê dibe ku li rewşa her kesî neyên. Helbet divê her dê û bav tawsîyeyên ku li rewşa malbata wan tên hilbijêrin û jê sûdê werbigrin.

Ev broşur bi du zimanan e. Bi swêdî û albanî, erebî, bosnî, îngilizî, fînî, somalî, îspanyolî, kurdî, arlîyî (romanî), lovarîyî (romanî) û tirkî cihê cihê hatiye weşandin. Kurdîya (kurmancî) broşurê nû derket.
Ev broşur bi wêne û 28 rûpel e. Bi awayê pirs û bersiv hatîye amadekirin. Tê de bersiva gelek pirsên girîng heye. Wek nimûne:
 
• Gelo ma zarok dikarin du zimanan yan jî pirtir di heman sewîyeyê de hîn bibin?
• Ku em dêûbav bêyî swedî bi zimanekî din dipeyivin, em ê kîjan zimanî hînî
zarokên xwe bikin?     
• Ku zimanê me dê û bavan yê zikmakî ji hev cihê ye, ez ê bi kîjan zimanî bi
zarokê/a xwe re bipeyivim?    
• Ku ez bi zimanê xwe yê zikmakî bi zarokê/a xwe re biaxifim, dê ew dîsa jî swêdî hîn bibe?     
• Gelo ma xerab e, ku zarokê/a min çend zimanan li nav hev xe? 
• Gelo ku zarokê/a min bes bi swêdî bersiva min bide, ez çi bikim? 
• Ez çawan dikarim alîkarîya pêşveçûna zimanê zikmakî yê zarokê/a xwe bikim?
• Ez çawan dikarim alîkarîya zarokê/a xwe bikim ku swêdîya xwe bi pêşve bibe?  
• Ku zarokê/a min li pêşdibistanê dev ji axaftinê berde, ez dikarim çi bikim ?
• Divê zarokê/a min li pêşdibistanê perwerdeya alîkarî ya zimanê zikmakî bigire?     
• Gelo ma divê ku zarokê/a min li dibistanê zimanê zikmakî bixwîne? 

Ev broşur ji aliyê Haydar Diljen ve ji swêdî hatîye wergerandin û ji aliyê Dayreya Giştî ya Pêşvebirina Dibistanan ya Swêdê ve, bi rêya weşanxaneya LIBERê, bê pere, tê belavkirin.

Navnîşana siparîşê:
Liber Distribution
162 89 Stockholm

E-name: Den här e-postadressen skyddas mot spambots. Du måste tillåta JavaScript för att se den.

Tel: +46-8-690 95 76
Faks: +46-8-690-95 50

Skriv ut