Şeşemîn konferansa mamosteyên kurdî sibe dest pê dike

Bi hevkarîya Skolverketê - Dayreya Giştî ya Dibistanan- û Şaredarîya Västeråsê (Vesteros) şeşemîn ”Konferansa kurdî ya Västeråsê” sibe li Otêla Ta înnê li Västeråsê dest pê dike.

Ji 26 şaredarîyên Swêdê, 65 mamosteyên kurdî û rêvebirên dibistanan beşdarê konferansê dibin. Her weha Skkolverket-Dayreya Giştî ya Dibistanan- jî dê ji aliyê muşawîr Mats Wennerholm û Peter Fagerlund ve bê temsîlkirin.

Konferans dê di 24ê îlonê roja pênşemê saet di 13.00ê de bi axaftineka
xêrhatinê ya midûra Navenda duzimanî ya Şaredarîya Västeråsê Karîn Broback dest
pê bike û di 25ê îlonê de roja înîyê saet di 15.00ê de teva bibe.
Çend xalên programa konferansê: 
• Standardkirina kurdî
• Modela Swêdê ya perwerdeya zimanê zikmakî – do, îro sibe
• Li Rojhelatê Kurdistanê rewşa kurdî
• Kurd li ser nexşeya Swêdê
• Di sîstema perwerdeyê ya Swêdê de nirxandin û derecedayin
• Nasandina materyalên dersê yên nû
• Wek navgîneke alîkar teknolijîya zanyarî û ragikandinê

Zimanê konferansê kurdî û Swêdî ye.

Li Swêdê li derdora 70 hezar kurd dijîn. Hejmara zarok û ciwanên kurd yên ku beşdarê perwerdeya zimanê zikmakî dibin li derdora 10.000an e. Li bajarê Västeråsê 500 zarok û ciwan beşdarê perwerdeya kurdî dibin.

 

Skriv ut